МЕМЛЕКЕТТЕРДІҢ АУЫЛШАРУАШЫЛЫҒЫНДА АЗЫҚ-ТҮЛІК ҚАУІПСІЗДІГІМЕН БАЙЛАНЫСТЫ МӘСЕЛЕЛЕРДІ ШЕШУДЕГІ ЫНТЫМАҚТАСТЫҒЫН ХАЛЫҚАРАЛЫҚ-ҚҰҚЫҚТЫҚ РЕТТЕУ
Кілт сөздер:
серіктестік, азық - түлік өнімдері, аштық, ауыл шаруашылығы, тамақ қауіпсіздігін бақылау, халықаралық-құқықтық норма, халықаралық-құқықтық стандарттар, ішкі нарықты реттеу, азық-түлік қауіпсіздігі, жаһандануАңдатпа
Бұл мақалада азық-түлік қауіпсіздігін басқаруда ауыл шаруашылығымен байланысты мәселелерді шешуде мемлекеттердің ынтымақтастығын халықаралық-құқықтық реттеу мәселелері қарастырылған. Азық-түлік қауіпсіздігін қамтамасыз ету саласындағы әріптестіктің халықаралық-құқықтық регламенттелуінің дамуы, ААҰ қызметінің мақсаттары мен өкілеттілігі, азық-түлік нарығының және әлемдегі экономиканың жағдайы зерттеледі. Әркімнің жеткілікті тамақтану құқығына және әркімнің аштықтан бостандыққа деген негізгі құқығына сәйкес денсаулық үшін қауіпсіз және толыққанды азық-түлік өнімдеріне қол жеткізу құқығы қарастырылады. Дүниежүзілік азық-түлік қауіпсіздік жүйесі мыналарды көздейді: халықаралық деңгейде үйлестірілетін азық-түліктің Ұлттық қорын құру; мұқтаж елдерге азық-түлік көмегін ұсыну; ертерек азық-түлік тапшылығының алдын алу жүйесін ұйымдастыру; ауыл шаруашылығы өнімдерінің халықаралық саудасында дамушы елдердің үлесін арттыру.
Құрылған халықаралық азық-түлік қауіпсіздігі жүйесінің белгілерінің бірі дамыған елдерге азық-түлік қолдауы көрсетілген. Тұрақты жаһандық азық-түлік қауіпсіздігінің рим ұстанымдары қарастырылды: азық-түлік қауіпсіздігіне жан-жақты көзқарас қағидасы; ынтымақтастықты стратегиялық үйлестіру қағидасы; ұлттық, өңірлік және халықаралық бағдарламаларды қолдау қағидасы; халықаралық ұйымдармен тығыз өзара іс-қимыл қағидаты, қабылданған қаржылық міндеттемелер деңгейін қолдау қағидасы.
Азық-түлікпен қамтамасыз ету мәселелерін шешуде оң нәтижелердің болмауы мемлекеттердің, халықаралық ұйымдардың, өзге де мүдделі субъектілердің жергілікті деңгейде де, жаһандық деңгейде де күш-жігерін біріктіру және үйлестіру негізінде Дүниежүзілік азық-түлік қауіпсіздігін қамтамасыз ету саласында көпжақты басқару жүйесінің нәтижелілігін арттыруды талап ететіндігі атап өтілді.
Ұқсас саясатты халықаралық сауданың әділ режимін құру жөніндегі келіссөздерді қоса алғанда, жаһандық және өңірлік проблемалық мәселелер кешенінде қарау ұсынылады, бұл дамушы елдердің азық-түлік қауіпсіздігінің ұлттық әлеуетін нығайтуға оң әсер етеді және халықаралық азық-түлікке жәрдемдесу бағдарламаларының нәтижелілігін жақсартады. Бұл саясатты ұлттық және өңірлік ауыл шаруашылығы дамуының доктриналарында көрсету және нақтылау ұсынылады.
