ҚАЗАҚСТАН РЕСПУБЛИКАСЫНДА МҮЛІКТІК КЕШЕННІҢ ҚҰҚЫҚТЫҚ РЕЖИМІН ЗАҢНАМАЛЫҚ БЕКІТУ ҚАЖЕТТІЛІГІ ТУРАЛЫ

Авторлар

  • Муслим Ханатұлы Хасенов

Кілт сөздер:

азаматтық құқық объектiлерi, мүлiктiк кешен, құқықтық режим,, кәсiпорын, ақпараттық жүйе

Аңдатпа

Аталған мақалада азаматтық құқық объектiлерiнің жүйесіндегі мүлiктiк кешеннің құқықтық табиғатын зерттеу нәтижелері келтірілген. Қазақстан Республикасының (ҚР) Азаматтық кодексінде мүліктік кешеннің құқықтық режимі тек кәсіпорынға байланысты анықталған. Сонымен бірге, АК-інде «басқа да мүліктік кешендер» деп аталатын сілтеме бар, бұл сұрақ ашық қалдырылады. Осылайша, заң шығарушы басқа да мүліктік кешендерді анықтамай, олардың құқықтық режимін орнатпай, бірақ олардың бар екендігін мойындайды. Мысалы, кәсіпорыннан басқа да мүліктік кешендерге белгілі бір құқық субъектісінің мүліктік массасы, оның ішінде банкроттыққа арналған мүлік; қайта ұйымдастыруға байланысты қызметі тоқтатылатын қайта ұйымдастырылған заңды тұлғаның мүліктік массасы; жоғалған (әрекет қабiлеттiлiгi жоқ) мүлік, сондай-ақ мұрагерлiк масса жатады. Осыған байланысты мүліктік кешеннің құқықтық табиғаты мен құқықтық режимін анықтаудың теориялық және практикалық мәні бар.

Мүліктік кешен дегеніміз – оған кіретін азаматтық құқық объектілерінің әртүрлілігімен сипатталатын ерекше құқықтық құрылым, интегралды меншіктің құқықтық режимі болып табылады.

Сонымен қатар, азаматтық-құқықтық ғылымға әртүрлі ақпараттық-коммуникациялық инфрақұрылым объектілерінің құқықтық режимін дамытуға бағытталған іргелі және қолданбалы зерттеулер қажет. Мысалы, ақпараттық жүйелер сияқты азаматтық құқықтардың нақты объектісі мүліктік кешеннің ерекшеліктеріне ие болуы мүмкін. Бір жағынан, бұл күнделікті өмірдегі азаматтық құқықтардың кең таралған нысаны, бірақ ғылымда да, заңнамада да бұл күрделі объектінің құқықтық режимі туралы толық түсінік жоқ.

ҚР-ның және шет елдердің заңнамаларын, құқық қолдану тәжірибесін, азаматтық құқықтың доктриналар мен теорияларды талдау нәтижесінде автор мүліктік кешеннің құқықтық режимін АК-інде реттеу қажеттілігіне, сондай-ақ ақпараттық жүйеге оның ерекшеліктерін ескере отырып мүліктік кешеннің құқықтық режимін қолдану мүмкіндігі қорытындысына көз жеткізді.

прав

##submission.downloads##

Жарияланды

30.09.2020

##submission.howToCite##

Хасенов, . М. Х. (2020). ҚАЗАҚСТАН РЕСПУБЛИКАСЫНДА МҮЛІКТІК КЕШЕННІҢ ҚҰҚЫҚТЫҚ РЕЖИМІН ЗАҢНАМАЛЫҚ БЕКІТУ ҚАЖЕТТІЛІГІ ТУРАЛЫ . «Qazaqstan Respyblikasy Zannama jäne Quqyqtyq Aqparat Institytynyn Jarshysy» Gylymi-Quqyqtyq Jurnaly («Қазақстан Республикасының Заңнама және құқықтық ақпарат институтының Жаршысы» ғылыми-құқықтық журналы), 3(61). Retrieved from https://vestnik.zqai.kz/index.php/vestnik/article/view/157

Журналдың саны

Бөлім

Азаматтық және азаматтық-процестік құқық