ҚАЗАҚСТАНДАҒЫ ЗАҢДЫ ТҰЛҒАЛАРДЫҢ ҚЫЛМЫСТЫҚ ЖАУАПКЕРШІЛІГІН «ЗАҢДАСТЫРУ» МӘСЕЛЕСІНЕ

Аңдатпа

Мақала Қазақстанның қолданыстағы заңнамасының мынадай: «Прокуратура туралы» Конституциялық заңға өзгерістер мен толықтырулар енгізу туралы» Конституциялық заңмен, «Заңсыз сатып алынған активтерді мемлекетке қайтару туралы», «Заңсыз сатып алынған активтерді мемлекетке қайтару мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы», «Қазақстан Республикасының Әкімшілік құқық бұзушылық туралы Кодексіне толықтырулар енгізу туралы», «Салық және бюджетке төленетін басқа да міндетті төлемдер туралы» Қазақстан Республикасының кодексіне (Салық кодексі) толықтырулар енгізу туралы» заңдарын толықтыруға байланысты дайындалды.

Осы мақалада заңды тұлғалардың қолданыстағы қылмыстық жауаптылық институтына және заңды тұлғаға қатысты қылмыстық жазаны орындаудың құқықтық тетіктеріне қатысты қолданыстағы заңнаманың негізгі тұжырымдамалық, заң шығарушылық, шешілмеген мәселелерін талдауға баса назар аударылды.

Мақала авторлары заңды тұлғалардың қылмыстық жауапкершілік институтын қолданыстағы ұлттық заңнамада «заңдастыру» ел экономикасының дамуына пайдалы әсер етеді деген қорытындыға бірауыздан келеді. Бұл экономикалық, экологиялық, сыбайлас жемқорлыққа және ұйымдасқан қылмыстылыққа қарсы іс-қимыл мәселелерін тиімді және пропорционалды шешуге әкеледі. Көптеген қылмыстық-құқықтық қорғау объектілеріне (азаматтардың өмірі мен денсаулығы, әскери, саяси, ақпараттық және қоғамдық қауіпсіздік, халық денсаулығы) зиянның алдын алуға ықпал ететін болады.