«САУДА МАҚСАТЫНДА ТЕҢІЗДЕ ЖҮЗУ ТУРАЛЫ» ҚАЗАҚСТАН РЕСПУБЛИКАСЫНЫҢ ЗАҢЫН ЖЕТІЛДІРУДІҢ КЕЙБІР МӘСЕЛЕЛЕРІ (сауда мақсатында теңізде жүзу саласындағы заңнаманы талдау нәтижелері)
DOI:
https://doi.org/10.52026/2788-5291_2021_67_4_97Кілт сөздер:
заң нормаларын талдау, заңнаманың тиімділігі, Заңның кемшіліктері, сауда мақсатында теңізде жүзу, көлік инфрақұрылымы, сауда мақсатында теңізде жүзу саласындағы мемлекеттік басқарудың құқықтық негіздері, теңіз көлігіндегі қауіпсіздікті қамтамасыз ету, сауда мақсатында теңізде жүзу саласындағы заңнаманы жетілдіруАңдатпа
Қазақстан Республикасының сыртқы саудасы мен Халықаралық экономикалық байланыстарын іске асыру теңіз көлігінің көмегімен жүзеге асырылады. Жүктерді теңіз арқылы тасымалдау көлемі елдің сыртқы сауда жүк айналымы көлемінің жартысын құрайды және өсуді жалғастыруда. Сауда мақсатында теңізде жүзудің даму серпіні, оны ұйымдастыруды жетілдіру, оның тиімділігін арттыру мүдделері оның құқықтық реттелуін арнайы зерттеуді қажет етеді.
Мақала оны жүргізу тәжірибесін талдауға арналған және сауда мақсатында теңізде жүзу саласындағы заңнаманы жетілдірудің проблемалық мәселелерін анықтауға және оларды шешу бойынша ғылыми негізделген ұсыныстар әзірлеуге бағытталған. Бұл ретте құқық қолдану практикасының тиімділігіне ерекше назар аударылады.
Заңнаманы талдау заң шығару жұмысының негізгі бағыттарын неғұрлым егжей-тегжейлі жоспарлауға, заңнама нормаларымен регламенттелуі тиіс қоғамдық қатынастардың салаларын белгілеуге, қолданыстағы заңнамаға түзетулер енгізу және жаңа актілер қабылдау қажеттілігін негіздеуге, оларды мемлекеттің құқықтық саясатының негізгі бағыттарымен байланыстыруға мүмкіндік береді.
Осыған байланысты зерттеу авторлары «Сауда мақсатында теңізде жүзу туралы» Қазақстан Республикасының 2002 жылғы 17 қаңтардағы № 284 Заңына баптар бойынша талдау жүргізді, оны қолданудың жүйелілігі мен әлеуметтік маңыздылығы зерттелді, сыбайлас жемқорлық құқық нормалары анықталды, олардың іске асырылу тиімділігіне бағалау жүргізілді, сауда мақсатында теңізде жүзу саласындағы заңнаманы жетілдіру бойынша ұсыныстар әзірленді.
Осылайша, осы зерттеудің өзектілігі сауда мақсатында теңізде жүзу саласындағы заңнаманың тиімділігін, оның жүйелілігі мен келісімділігін одан әрі арттырудың объективті қажеттіліктеріне байланысты күшейтіледі.
Зерттеу нәтижелері сауда мақсатында теңізде жүзуді құқықтық реттеу саласындағы мемлекеттік саясатты қалыптастыру кезінде пайдаланылуы және заң шығару қызметінде ескерілуі мүмкін.
