ҚАЗАҚСТАН РЕСПУБЛИКАСЫНЫҢ ҮКІМЕТІ ЖАНЫНДАҒЫ ЗАҢ ЖОБАЛАУ ҚЫЗМЕТІ МӘСЕЛЕЛЕРІ ЖӨНІНДЕГІ ВЕДОМСТВОАРАЛЫҚ КОМИССИЯ: ЗАҢ ШЫҒАРУ ҚЫЗМЕТІН ЖЕТІЛДІРУ БОЙЫНША ҰСЫНЫМДАР МЕН ҰСЫНЫСТАР
Кілт сөздер:
консультативтік-кеңесші орган, заң шығару қызметі, Үкімет, қылмыстық заңнаманы жетілдіруАңдатпа
Мақала консультативтік-кеңесші орган - Қазақстан Республикасының Үкіметі жанындағы заң жобалау қызметі мәселелері жөніндегі ведомствоаралық комиссия жұмысын дамыту мен жетілдірудің жеке мәселелеріне арналған.
Мемлекеттік және қоғамдық маңызы бар шешімдерді қабылдау мен жасаудағы консультативтік-кеңесші органдардың рөлі, осындай органның қажеттілігі, оларды мемлекет Президент жанындағы жоғары мемлекеттік деңгейде құру қажеттілігі көрсетілген. Консультативтік-кеңесші органдардың құрылуы мен жұмыс істеуінің заңнамалық негіздері көрсетіледі.
Қазақстан Республикасының Үкіметі жанындағы заң жобалау қызметі мәселелері жөніндегі ведомствоаралық комиссияның (бұдан әрі – Комиссия) алдында тұрған міндеттері мен мақсаттары қарастырылған. Комиссияның практикасы, Комиссия туралы ережеде баяндалған негізгі тапсырмалардың міндеттерін жүзеге асырудың толықтығы мен деңгейі зерттелген.
Комиссия мүшелерінің дайындықтары, Комиссия отырысының материалдарымен таныстыру мерзімдеріне және Комиссия мүшелерінің пікірлері мен ұсыныстарын күту мерзімдеріне назар бөлінген.
Қазақстан Республикасының Заңнама және құқықтық ақпарат институтының заң шығару қызметіндегі рөлін арттыру бойынша ұсынымдар ұсынылған.
Комиссия отырыстарының тиімділігін арттыру үшін ұйымдастырушылық және әдістемелік сипаттағы нақты ұсыныстар берілген. Комиссия отырыстарының хаттаманың ақпараттық мазмұнын арттыру ұсынылады. Заң жобаларындағы Комиссия мүшелерінің ескертулері мен ұсыныстарын есепке алу бойынша жұмысты жеңілдету үшін келіспеушіліктер кестесін жүргізу мүмкіндігі, сондай-ақ Комиссияның келіспеушіліктер кестесінен қолдайтын ұстанымын хаттамаға қосу мүмкіндігі қарастырылған.
Комиссияның сырттай отырысын жою туралы, Комиссия мүшелеріне қажетті қысқаша бақылау сауалнама (check-list) туралы, сондай-ақ Комиссия мүшелерінің пікірін заң шығару жұмысындағы келесі кезеңдерге жеткізу үшін Үкіметке заң жобамен бірге Комиссия хаттамасын ұсыну туралы сұрақтар қарастырылып, нақты ұсыныстар берілді. Қоғамды жүзеге асырылатын жұмыс туралы заманауи байланыс құралдарымен хабардар ету ұсынылады.
Жүргізілген зерттеулердің негізінде заң шығару қызметін жетілдру үшін Комиссия отырыстарын ұйымдастыруға, Комиссия туралы ережеге және қолданыстағы заңнамаға түзетулер енгізу арқылы нақты ұсынымдар мен жалпылама ұсыныстар ұсынылған.
