Мемлекеттік органдардың әрекеттері, әрекетсіздігі туралы істер бойынша сот ісін жүргізу институты: қалыптасу кезеңдері

Аңдатпа

Осы жұмыста мемлекеттік органдардың әрекетіне, әрекетсіздігіне дау айту істері бойынша мәселелер қаралады. Азаматтардың құқықтары мен ұйымдардың заңды мүдделерінің бұзылуы мемлекет пен мемлекеттік емес субъектілер арасындағы қатынастардың алуан түрлілігін, мемлекеттік әкімшілікпен тұрақты байланыстарды ескере отырып, бірлі-жарым болып табылмайтындығын көрсетеді. Мемлекеттік органдардың іс-әрекеттеріне шағымдану институты осындай құқықтар мен мүдделерді қорғаудың маңызды құралы болып табылады. Осыған байланысты ол маңызды саяси және әлеуметтік функцияларды орындайды.

Ұсынылған зерттеу билік органдарының шешімдері мен әрекеттеріне (әрекетсіздігіне) шағымдану мәселелерін талдауға арналған. Бұл қолданыстағы азаматтық процестің шеңберіндегі билік органдарының актілері мен әрекеттерінің (әрекетсіздіктерінің) жарамсыз және ешқандай салдарларын тудырмайтын процедурамен байланысты бірқатар проблемаларға қатысты.

Шолуда мемлекеттік органдардың, лауазымды адамдардың, мемлекеттік қызметшілердің әртүрлі қызмет салаларындағы шешімдері мен әрекеттеріне (әрекетсіздігіне) шағымдану туралы істер бойынша әртүрлі сот инстанцияларының сот актілері қаралды және талданды.

Жұмыста әкімшілік сот ісін жүргізу мәселелері бойынша жақын және алыс шет елдердің тәжірибесі ұсынылды. Зерттеу авторлары соттардың мемлекеттік органдардың, азаматтар мен ұйымдардың пайдасына шешімдер шығаруының статистикасын ұсынды, соттардың мемлекеттік органдардың пайдасына шешімдер шығаруының заңсыздығының жекелеген жағдайлары қаралды.

Сонымен қатар, жұмыста мемлекеттік органдар мен лауазымды тұлғалардың шешімдері мен әрекеттеріне шағымдану тәртібін реформалау мүмкіндігі туралы мәселе зерделенді, сондай-ақ жария-құқықтық қатынастардан туындайтын дауларды реттеу үшін түбегейлі жаңа құқықтық актіні құру қажеттілігіне талдау және негіздеме жүргізілді.