МАТЕРИАЛИСТІК ТЕОРИЯ БОЙЫНША ҚҰҚЫҚТЫҢ МҮМКІНДІКТЕН АҚИҚАТҚА ӨТУ МЕХАНИЗМІ

Аңдатпа

Бұл мақалада материалистік құқық ілімінің философиялық және теориялық аспектілері қарастырылып, құқықтың позитивтік теориясына сыни көзқарас беріледі. Авторлар материалистік құқық теориясына сүйеніп объективтік құқық кез келген заңдылық сияқты нақты қатынастарда көрініс тапқаннан кейін ғана нақты құбылысқа айналатынын ашты. Мұндай нәтижеге жету үшін құқықтық қағидалар төрт кезеңнен өтеді: позитивтік, жеке және нақты құқық және нақты қатынастар. Осы механизмнің негізінде халықаралық құқық нормаларының ішкі ұлттық қатынастарды реттеудегі рөлі, сондай-ақ жеке тұлғаның құқықтық реттеудің дербес субъектісі ретіндегі мәртебесі көтеріледі және тек оның әлеуеті арқылы позитивті құқықты шынайы ақиқатқа айналдыруға болады. Сондай-ақ, шынайы құқық дегеніміз – оның негізі ретінде объективті құқыққа сәйкес келетін және нақты қатынастарда бейнеленетін позитивті және нақты құқық нормаларының жиынтығы екені анықталды. Заң шығарушының субъективті озбырлығын білдіретін, құқықтың объективті негізіне сәйкес келмейтін құқық нормаларын нақты қатынастарда жүзеге асыру формальды және нормативтік деңгейде көзделген жағдайларды есептемегенде, шынайы құқықты тудырмайды және тудыруы мүмкін де емес. Бұл жұмыстың методологиялық негізін тарихи және салыстырмалы әдістер, формальды-логикалық және басқа  да доктриналық зерттеу әдістері құрайды. Бұл зерттеудің нәтижелері құқық теориясы мен философиясын зерттеушілер үшін ғылыми материал бола алады және құқықтың материалистік теориясының заң ғылымындағы рөлін түсінуге зор мүмкіндіктер береді.